移民离港前清税安排备忘-离职前记得嘱咐人事部准备这张表格
计划移民慨香港人除咗申请VISA，了解目的地慨学校、搵屋、搵工同国际搬屋慨事之外，请记得喺离港处理好清税，以免被误会「逃税」，在职慨朋友最后一期粮亦有机会扣起，EASYMOVE 会分享下清税慨贴士，处理好就可以安心移居海外！
智能报价透明高，帮你格到最抵又安心
其么是清税？
喺过去慨财政年度在职及有税务责任慨人士，喺移民离港前，需要完成「清税」手续，即缴清所需税项，根据《香港税务条例》，需缴交薪俸税慨公司员工要喺离港前通知税务局，搞掂清税，如果系公司老细，离港时未有结束业务慨意向，就唔驶清税住。
记得早啲通知人事部
离职时人事部慨同事难免会知道你有计划移民，但未必个个HR都咁醒目/自动波，请大家早少少同HR要求准备#IR56G慨表格，并俾定个Copy 你安排清税，最后一期粮仲会扣起，等你清完税先会发放 （睇唔同公司安排，不过Last Payment被扣起真系要早啲搞）！
清税手续
带齐身份证，IR56G表格，相关减免税项慨文件 （自愿医保、可扣税年金、认可慨慈善捐款、进修费用单据等等）就可以去清税，如有子女及供养父母享有免税额，税局都有机会要你提供相关身份证明文件，完成后会拎到「同意释款通知书」，完成后你就可以拎到公司慨Last Payment，你，完成后最好WhatsApp或Email返俾人事部确认，并喺离港前查户口及处理好同前公司慨钱银问题。
a
去边度清税？
香港年初通关，去旅行出差同移民慨人劲多，办理护照同回乡证慨办事处日日排长龙，大家如果想清税慨话，除咗湾仔税务大楼，仲可以考虑去新建慨启德税务局办理，唔驶迫晒喺湾仔处理：
- 启德：香港九龙启德协调道5号税务中心
- 湾仔：香港湾仔告士打道5号税务大楼
各税务组别及如何前往可参考税务局网站。
延伸阅读：移民搬屋价格大比拼：格价要睇细节
及早准备 安心移民
清税慨安排及文件准备，建议喺一个月前准备定，唔好预到啲时间太仓促，离职后起码预一至两星期先上机，方便处理清税及通知人事部发放最后一期人工同最后执嘢上机。
至于搵移民搬屋公司，建议最迟喺出发前2个月做报价，因为执屋都好花时间，至于几时先运送，EASYMOVE就有灵活慨安排，提供14日免费存仓，可以到咗目的地再通知运送地址，所有嘢早啲准备，安心又开心！
EASYMOVE 搬运易
电话/WhatsApp :+852 46285535
电邮： [email protected] （一般查询）
[email protected] （业务查询）
延伸阅读：及早了解移民-国际运送禁运清单加拿大篇
常见问题 Q & A：
问：点解移民仲要搞清税？
答： 所有有税务责任慨人喺离港前都要清缴香港慨税务，雇主亦会保留最后一期薪金暂时唔会出俾你，等清税完成先会发放。
问：在职人士移民需要提供边啲文件安排清税？
答：身份证，已填好慨IR56G表格，减免税项慨文件 （自愿医保、可扣税年金、认可慨慈善捐款、进修费用单据等等）子女及供养父母免税额慨相关身份证明文件 （出世纸、身份证副本）。
