消委會揭搬屋公司透明度未改善！收費竟然可以相差逾1.3倍
香港人為咗住嘅問題成日都好頭痛，唔明搬屋嘅安排同收費，即使覺得好唔合理但要硬食，因為都唔知係跟咩譜，最近消委會就香港本地搬屋做咗一項市場調查，結果發現好多公司收費好離譜，同類服務甚至可以相差1.3倍！
搬屋定價唔透明:
消委會調查指出搬屋公司普遍用「全包價」方式收費，但定義大家都唔同，同類搬運服務嘅價格可以相差超過1.3倍，反映行業內缺乏一致同有透明度嘅定價標準。超過7成嘅公司表示如實際要搬嘅物品數量比報價預期多，會加收額外費用，但呢啲額外收費只有3成公司會有明確嘅收費標準，消費者喺落單時難以預計最終費用。
消委會亦提到有啲公司亦會提供「按件收費」，但有個別物品的收費同其他公司嘅報價竟可相差超過7倍，消費者難以作出比較同選擇， 有啲公司會派好多個紙箱，但實際上唔需要咁多嘅，但竟然要逐個收錢，而「按車收費」的公司，收費亦相差超過1倍。
點解搬屋公司收費有咁大嘅落差？
搬屋係辛苦錢，不過作為消費者遇到”海鮮價”嘅搬屋公司，真係唔好受，喺物流界做咗超過廿年嘅EASYMOVE建議大家了解下點同搬屋溝通同報價:
- 紙箱及包裝物料： 首先講下紙箱收費貴呢個問題，有啲搬屋公司提供嘅紙箱確實比較高質，高質同低質嘅紙箱成本相差大，收費真係可以相差一倍，搬屋人士可以了解下套餐包唔包Bubble紙同膠紙，如果入唔到Standard Size紙箱嘅物品，要安排特別形狀嘅紙箱，價格都會差一截，鼓勵雙方多溝通，預計紙箱唔需要咁多嘅，就主動啲同搬屋公司講，慳錢又可以環保啲。
- 季節及時段： 有啲搬屋公司會按係咪Peak Season收取唔同嘅費用，繁忙時間/非繁忙時間都有收費嘅差異，夏天一般多啲人搞搬屋，冬天會少啲。
- 物件大細：需要搬運嘅物件大細都有影響，因為有一啲大型物件係需要兩個人搬先可以搬到，亦都有一啲傢俬係需要裝拆，要安排師傅，呢啲涉及要加人嘅Job都係會影響到個價錢，因為工序同時間用得比較多。
延伸閱讀：移民搬屋係咪一定要定製木箱呢？安全穩健國際搬運貼士
主動了解價格，選擇透明度高嘅搬屋公司
消委會建議喺選擇搬屋公司時，要仔細了解各公司嘅定價方式同收費標準，一定要拎書面報價，比較唔同公司嘅報價，簽約前要確保合約清楚列明搬運物品嘅數量同種類，如果有額外費用都要了解清楚收費標準。
搬運當日如發現需搬運的物品多於預期，要主動同公司溝通，了解額外費用嘅計算方式，選擇提供透明度較高嘅公司，心裡有預算，搬新屋先唔會一肚氣。
延伸閱讀：移民搬屋價格大比拼：格價要睇細節
EASYMOVE 搬運易
網上快速落單查詢 : 按此填Form
電話/WhatsApp :+852 46285535
電郵： [email protected] （一般查詢）
[email protected] （業務查詢）
